काठमाडौं । इन्टर मिलान कोपा इटालिया फुटबलको सेमिफाइनलमा प्रवेश गरेको छ । मंगलबार राति भएको क्वाटरफाइनलमा रोमालाई २–० गोल अन्तरले हराउँदै इन्टर अन्तिम चारमा पुगेको हो । इन्टरको जितमा इडेन जेको र एलेक्सिस सान्चेजले एक एक गोल गरे ।
खेलको दोस्रो मिनेटमा इडेनले गोल गर्दै इन्टरलाई सुरुआती अग्रता दिलाएका थिए । त्यसपछि खेलको ६८ औं मिनेटमा सान्चेजले गोल गर्दै इन्टरलाई २–० को जित दिलाए । अब इन्टरले सेमिफाइनलमा एसी मिलान र लाजियोबीचको विजेतासँग खेल्नेछ।
