असोज १२ काठमाडौं ।
मेची भन्सार कार्यालयले दुई अर्ब बढी राजस्व सङ्कलन गरेको छ ।
मेची भन्सार कार्यालय काँकडभिट्टाले चालु आर्थिक वर्षको पहिलो २ महिनामा रु. २ अर्ब ८३ करोड ३३ लाख ७५ हजार राजस्व सङ्कलन गरेको हो ।
भन्सार कार्यालयले साउन र भदौ महिनाका लागि कुल रु. ३ अर्ब ७ करोड ५० लाख राजस्व सङ्कलनको लक्ष्य निर्धारण गरेकोमा निर्धारित लक्ष्यको ९२.१४ प्रतिशत राजस्व सङ्कलन गरेको जनाइएको छ ।
साउनमा रु.१ अर्ब ४३ करोड ५० लाख लक्ष्य राखिएकामा रु. १ अर्ब २७ करोड ९८ लाख ३७ हजार राजस्व सङ्कलन भएको कार्यालयले जनाएको छ ।
भदौमा रु. १ अर्ब ६४ करोड लक्ष्य रहेकामा रु.१ अर्ब ५५ करोड ३५ लाख ३८ हजार सङ्कलन गरेको जनाएको छ ।
साउनको तुलनामा राजस्व सङ्कलन भदौमा सुधार आएको कार्यालयले जनाएको छ । भने साउनमा लक्ष्यको ८९.१९ प्रतिशत राजस्व सङ्कलन भएकोमा भदौमा ९४.७३ प्रतिशत पुगेको जनाएको छ ।
आर्थिक वर्ष २०८२, ८३ को भदौको तुलनामा चालु आवको सोही अवधिमा राजस्व सङ्कलन ९.४३ प्रतिशतले वृद्धि भएको मेची भन्सार कार्यालयका प्रमुख भन्सार अधिकृत शिवलाल न्यौपानेले बताएका छन् ।
