मंसिर १३ काठमाडौं ।
आज परराष्ट्रमन्त्री आरजु राणा चीन जाँदैछिन्।
मंसिर १७ गतेदेखि प्रधानमन्त्री केपी शर्मा ओलीले सुरु गर्ने चीन भ्रमणको तयारीका लागि परराष्ट्रमन्त्री आरजु राणा देउवा आजै चीन जान लागेकी हुन्।
भेटमा प्रधानमन्त्रीको भ्रमण दुई देशको आपसी हितका विविध विषयमा छलफल हुने परराष्ट्र मन्त्रालयले बताएको छ।
मन्त्री राणाले शुक्रबार चिनियाँ विदेशमन्त्री वाङ यीसँग छेङ्दुमा भेटवार्ता गर्ने कार्यक्रम तय भएको छ। छेङ्दुमा आयोजित एक कार्यक्रममा ‘चिनियाँ विदेशमन्त्री पनि आउने र दुई समकक्षीबीच छेङ्दुमै भेटवार्ता हुने स्रोतले जनाएको छ।
आगामी मंसिर १७ गते प्रधानमन्त्री केपी शर्मा ओली ४० सदस्यीय टोलीको नेतृत्व गर्दै चीन भ्रमणमा जाँदैछन्। परराष्ट्रमन्त्री राणा सोही भ्रमणको तयारीका लागि आजै चीन जान लागेकी हुन्। उनी प्रधानमन्त्री ओलीको भ्रमण दलमा पनि सहभागी हुने जनाएको छ।
