मंसिर ९ काठमाडौं ।
आज पनि राहदानी विभागको सेवा ठप्प भएको छ।
राहदानी विभागको सेवा ठप्प भए पछि त्रिपुरेश्वरस्थित राहदानी विभागको कार्यालय परिसरमा सेवाग्राही आक्रोशित भएका छन्।
हाल राहदानी वितरणको काम अनिश्चितकालका लागि ठप्प छ। राहदानी वितरण रोकिँदा सेवाग्राही मर्कामा परेका छन्।
भेला भएकाहरुले छिटो सेवा सुरु गर्न माग गर्दै होहल्ला गरेका छन्।
विभागले प्रणालीमा समस्या आएकाले राहदानी वितरणको काम रोकिएको जनाएको छ। विभागले गत शुक्रबार सबै जिल्ला प्रशासन कार्यालयहरुलाई परिपत्र गरेर समस्या समाधान गर्न प्राविधिक समूहले काम गरिरहेको जानकारी गराएको थियो।
१० मंसिरदेखि सबै समस्या समाधान गरेर सेवा पुनः सुरु गर्न प्रयास गरिरहेको विभागले जनाएको छ।
