बैशाख २७ काठमाडौ ।
नाटक ‘म्यारिज प्रपोजल’ आगामी जेठ १० देखि पुनः मञ्चन हुने भएको छ। आन्तोन चेखभको लेखनमा चे शंकरको छायानुवादमा यो नाटक मञ्चन गर्न लागिएको हो।
कलासी प्रोडक्सनको प्रस्तुति तथा कर्मन कलासँगको सहकार्यमा नाटक जेठ १० देखि जेठ २७ गतेसम्म मञ्चन गर्न लागिएको निर्देशक द्वयले जानकारी दिए। संगीत सापकोटा र आशिष घिमिरेले नाटकलाई निर्देशन गरेका हुन्।
निर्देशकका अनुसार नाटकले विसंगतिवादी विषयवस्तुलाई समेट्दै मनोरञ्जनात्मकता झल्काउने प्रयास गरेको छ। सन् १८९० को विषयवस्तुलाई समावेश गर्दै वर्तमान परिस्थिति सापेक्ष रूपमा नाटक तयार गरिएको बताइएको छ।
नाटकलाई सन् २०१८ मा तीन जना पात्र मार्फत मञ्चन गरिएको थियो। नाटकले विभिन्न सामाजिक मनोभावनालाई आत्मसात् गर्दै आगामी पुस्ताका नेतृत्वदायी भूमिका चित्रणमा समेत ओत पु¥याउने विश्वास लिइएको छ। नाटकमा विजया कार्की, डोरेस खतिवडा, चन्द्र नेपाली र सुन्दर धितालको अभिनय छ।
