वैशाख २५ काठमाडौं ।
चितवन राष्ट्रिय निकुञ्जमा आज बाघ र गैँडा मृत फेला परेका छन् । निकुञ्जको भित्र भिमपुर क्षेत्रमा बाघ तथा नवलपरासी (बर्दघाट–सुस्तापूर्व) मा गैँडा मृत अवस्थामा भेटिएको हो।
निकुञ्जका सूचना अधिकारीका अनुसार नेपाली सेनाको सुरक्षा पोष्ट अमृतेबाट खटिएको टोलीले मृत बाघ फेला पारेको हो। अहिले घटनास्थलमा सेना र निकुञ्जको टोली पुगेको छ । बाघको मृत्युको कारण खुल्न सकेको छैन।
यस्तै नवलपरासीको कावासोती नगरपालिका–१५ स्थित गुन्द्रइढाका मध्यवर्ती सामुदायीक वन क्षेत्रमा एक भाले गैंडा मृत फेला परेको छ। गैंडा प्राकृतिक कारणले मरेको निकुञ्जका सूचना अधिकारीले जानकारी दिए। गैँडाको खाग र खुर सुरक्षित छ।
