२६ मंसिर, जनकपुरधाम । धनुषाको बटेश्वर गाउँपालिकामा घरमा सुतिरहेको अवस्थामा एक महिलाको विभत्स हत्या भएको छ । वडा नंं. ५ स्थित शान्तिपुरका विरेन्द्र यादवकी २७ वर्षीया श्रीमती रितादेवी यादवको हत्या भएको हो । आइतबार राति ११ बजेको समयमा धारिलो हतियार प्रहार गरी उनको हत्या भएको प्रहरीले जनाएको छ ।
धारिलो हतियार प्रहारबाट गम्भीर घाइते रिताको जनकपुरको काव्या हस्पिटलमा उपचारको क्रममा मृत्यु भएको इलाका प्रहरी कार्यालय सखुवा महेन्द्रनगरले जनाएको छ ।
घटनास्थलमा पुगेर अनुसन्धान गरिरहेको प्रहरीले जनाएको छ ।
