१२ साउन, काठमाडौं । नेपाली कप्तान तथा लेग स्पिनर सन्दीप लामिछानेले जमैका तलाबाजबाट ’द सिक्स्टी’ क्रिकेट प्रतियोगिता खेल्ने भएका छन् ।
वेस्ट इन्डिज क्रिकेटले आयोजना गर्ने नयाँ प्रतियोगिताका लागि जमैकाले सन्दीपलाई टिममा राखेको छ । यस प्रतियोगिता ६० बलको हुनेछ । ३० बलको एक इनिङ रहने यस प्रतियोगिता ६ विकेटको हुनेछ ।
प्रतियोगिता अगस्ट २४ देखि २८ सम्म संचालन हुनेछ । प्रतियोगितामा पुरुषतर्फ ६ र महिलामा ३ टोलीको सहभागिता रहने छ । जमैकाले सन्दीपलाई क्यारेबियन प्रिमियर लिग (सीपीएल) टी–ट्वान्टी लिगका लागि अनुबन्ध गरेको थियो ।
