२१,रामेछाप । रामेछापको सुनापाती गाउँपालिका वडा नं ५ स्थित लुभुघाटमा आज बिहान भएको बस दुर्घटनामा मृत्यु हुनेको संख्या १३ पुगेको छ।
बिहान करिब ७ बजेतिर रामेछापको सुनापती गाउँपालिका वडा नं. ३ हिलेदेवीबाट काठमाडौं आउँदै गरेको बा ३ ख ८३९६ नम्बरको यात्रुवाहक बस जिल्लाको सुनापती गाउँपालिका ५ लुभुघाटमा दुर्घटना भएको हो।
उक्त दुर्घटनामा ९ यात्रुको घटनास्थलमा नै ज्यान गएको थियो भने घाइते भएकामध्ये ४ जनाको उपचारको क्रममा धुलिखेल अस्पतालमा मृत्यु भएको प्रहरी कार्यालय रामेछापका डीएसपी राजकुमार थिङले बताए।
घाइतेमध्ये तीन जना घाइतेलाई हेलिकप्टरबाट काठमाडौं र अन्य घाइतेलाई उपचारका लागि धुलिखेल अस्पताल ल्याएको प्रहरीले जानकारी दिएको छ। बसको चालकलाई प्रहरीले नियन्त्रणमा लिएर अनुसन्धान सुरु गरेका डीएसपी थिङले बताए । उनको अवस्था समान्य रहेको छ ।
पक्राउ परेको बस चालकले प्रहरीलाई ब्रेक फेल भएर दुर्घटना भएको जानकारी दिएका छन। घटनाका विषयमा प्रहरीले अनुशन्धान गरिरहेको डीएसपी थिङले जानकारी दिए ।
