नायिका मिरुना मगरले आफ्नो संवेदनशील अंगमा छोएको भन्दै आइतबार काठमाडौंको सिभिल मलमा एक दर्शकलाई थप्पड हानिन् । मुगुका फुर्वा लामामाथि मिरुनाले हात मात्र हालिनन्, प्रहरीको जिम्मा पनि लगाइन् । फुर्वा अहिले प्रहरीको हिरासतमा छन् ।
अब, यो घटनाले नयाँ मोड लिन थालेको छ । आज बिहान काठमाडौंको के.एल टावर अगाडि फिल्म प्रदर्शन रोक्न र फुर्वा लामालाई रिहाई गर्न माग गदै आन्दोलन भएको छ ।
साथै, उपस्थित केही व्यक्तिहरुले फिल्मको पोष्टर समेत जलाएका थिए । उनीहरुले, फुर्वा निर्दोष भएको भन्दै मिरुनाले माफी माग्नुपर्ने माग समेत राखेका छन् ।
