चैत १३ काठमाडौं ।
सिंहदरबारमा विपक्षी दलहरुको बैठक जारी रहको छ। नेकपा (माओवादी केन्द्र) संसदीय दलको कार्यालय सिंहदरबारमा संविधान र गणतन्त्र पक्षधर विपक्षी दलहरूको बैठक बसिरहेको हो।
बैठकमा बैठकमा प्रमुख प्रतिपक्षी दल नेकपा नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’, एकीकृत समाजवादीका अध्यक्ष माधवकुमार नेपाल, राष्ट्रिय स्वतन्त्र पार्टीका कार्यवाहक सभापति डोलप्रसाद अर्याल (डिपी), माओवादी केन्द्रका वरिष्ठ उपाध्यक्ष नारायणकाजी श्रेष्ठ, नेपाल समाजवादी पार्टीका अध्यक्ष महिन्द्र राय यादव, रास्वपा उपसभापति स्वर्णिम वाग्ले, प्रमुख सचेतक सन्तोष परियार लगायतको उपस्थिति रहेको छ।
सरकारको कार्यशैलीले व्यवस्थाविरोधी शक्ति चलमलाउन थालेको भन्दै उनीहरू छलफलमा जुटेका हुन्। यसै बीच गणतन्त्र पक्षधर शक्तिहरूले चैत १५ गते काठमाडौंमा प्रदर्शन गर्दैछन्। त्यसबारे पनि बैठकमा छलफल हुने बताएका छन्।
