मंसिर ९ काठमाडौं ।
चित्रलेखा यादव अस्ट्रेलियाको राजदूतमा नियुक्त भएकी छन्।
आइतबार राष्ट्रपति रामचन्द्र पौडेलले चित्रलेखा यादवलाई अस्ट्रेलियाको राजदूत नियुक्त गरेका हुन्।
संविधानको धारा २८२ को उपधारा (१) बमोजिम मन्त्रिपरिषद्को सिफारिसमा यादवलाई अस्ट्रेलियाका लागि आवसीय राजदूत पदमा नियुक्त गरिएको राष्ट्रपति कार्यालयबाट जारी विज्ञप्तिमा भनिएको छ।
यादव गत १६ असोजमा बसेको संसदीय सुनुवाइ समितिबाट अनुमोदित भएकी थिइन्।
