चैत २० काठमाडौं ।
कुशल तीव्र गतिका बलर बाबा खानको तेस्रो ओभरको अन्तिम बलमा विकेटकिपर अमित पासी बाट ११ बलमा १ चौकासहित ९ रनमा क्याच आउट हुन पुगे छन्।
नेपालका ओपनर कुशल भुर्तेल र आसिफ शेख भारतमा जारी एसएमएस फ्रेन्डसिप टी–२० कपमा बरोडासँग सुरुवातामा आउट भएका छन्।
टस हारेर पहिला ब्याटिङको निम्तो पाएको नेपालले ५ ओभरमा २ विकेट गुमाउँदै २३ रन बनाएको छ। नेपालका अनिल शाह र रोहित पौडेल १–१ रनमा क्रिजमा छन्।
पाँचौं ओभरको दोस्रो बलमा बाबाले नै आसिफ शेखलाई ९ रनमा कप्तान विष्णु सोलांकी बाट मिडअफमा क्याच आउट गराए । उनले १२ बलमा १ चौका प्रहार गरे।
नेपालले पहिलो खेलमा गुजरातलाई ८ विकेटले पराजित गरेको थियो। गुजरातले सोमबार बरोडालाई ५ विकेटले हराएको थियो । नेपालले पहिलो खेलबाट टोलीमा कुनै परिवर्तन गरेको छैन।
