पोखरा १६ माघ ।
पोखरामा भईरहेको आहारारा गोल्डकपमा नेपाल पुलिस क्लबलाई १–० ले हराउँदै चर्च ब्वाइज युनाइटेड आहारारा पोखरा गोल्डकप फुटबलको सेमिफाइनलमा पुगेको छ । चर्च ब्वाइजलाई सेमिफाइनलमा पु¥याउन खेलको एक मात्र निर्णायक गोल समिर तामाङले गरे ।
पहिलो हाफमा चर्चब्वाइजले नेपाल पुलिसलाई दबाबमा राख्न सफल भएको थियो भने दोस्रो हाफमा पुलिस केही लय सुधारेर मैदान प्रवेश गरेको थियो । तर गोल गर्न नसक्दा नतिजा उल्ट्याउन भने सकेन ।
गत बर्ष पनि क्वार्टरफाइनलमै चर्चब्वाइज सँग पुलिस पराजित भएको थियो । ६ पटकको विजेता नेपाल पुलिसलाई पराजित गरेसँगै पोखरामा जारी २३ औं आहारारा पोखरा गोल्कडपको सेमिफाइनल पूरा भएको छ । गोल्डकपको सेमिफाइनलमा चर्चब्वाइजसँगै थ्रीस्टार, नेपाल आर्मी र जावलाखेल युथ क्लब पुगेका छन् । अब चर्च ब्वाइजले माघ १८ गते त्रिभुवन आर्मी क्लबसँग फाइनल प्रवेशका लागि खेल खेल्ने छ । पहिलो सेमिफाइनलमा भोलि बुधबार थ्रीस्टार क्लब र जावलाखेल युथ क्लब बीच प्रतिस्पर्धा हुनेछ ।
