२३, काठमाडौ । दिनेश अधिकारी (दनुवार)ले गठबन्धनतर्फका नगरपालिकामा बलियो किल्ला गाड्ने उद्घोष गरेका छन् । उनी सिन्धुलीको दुधौली नगरपालीकाको मेयर पदका उम्मेदवार हुन्। त्याग, सर्मपण र बलिदानका पयार्यवाचीका रुपमा चिनिने अधिकारी नेकपा माओवादी केन्द्रका अथक राजनीतिक योद्धा हुन् ।
स्थानीयवासीले उनलाई दनुवार समुदायबाट प्रतिनिधित्व गर्ने एक कर्मठ संघर्षशिल विकास प्रेमी नेता भएको बताउने गरेका छन् । आफ्नो नगरको विकासका लागि भ्यु टावर होइन, भ्यु पावरको विकास र कृषि उत्थान र कृषकको सम्मान भन्नेजस्ता नारालाई जोड दिएको बताएको छन् ।
‘जनताको सान, समृद्ध दुधौली नगरपालीका निर्माण हाम्रो अभियान’ बोकेर हिडेका अधिकारी राजनीतिमा इमान्दारीताको बलियो कडीका रुपमा रहेका छन् । लामो समयदेखि राजनैतिक चेतना फैलाउने काम गरिरहेका अधिकारीले दुधौलीलाई नजिकबाट नियालेको स्थानीयहरु बताउँछन् ।
गठबन्धनबाट उम्मेद्वारी दिएका उनले अब मेयरमा जितेर देखानुपर्नेछ र जितका लागि उनले अधार तयार भइसकेको बताएका छन् ।
