अफगानिस्तानलाई हराउँदै नेपाल सान्त्वना जित निकाल्ने योजनामा

काठमाडौं । एएफसी फुटसल एसियन कप छनोटको अन्तिम खेलमा आज नेपालले अफगानिस्तानको सामना गर्दैछ।
किर्गिस्तानको बिश्केकस्थित गाज्पोर्म स्पोर्ट्स कप्लेक्समा नेपालले आफ्नो अन्तिम खेलमा अफगानिस्तानको सामना गर्न लागेको हो । खेल नेपाली समय अनुसार १ः४५ बजे सुरु हुनेछ ।
पहिलो खेलमा नेपाल उज्वेकिस्तानसँग ५–१ गोल अन्तरले पराजित भएको थियो । दोस्रो खेलमा नेपाल ताजिकिस्तानसँग ११–१ ले स्तब्ध भएको थियो।
नेपालको लगातार दोस्रो हारसँगै छनोटको सेन्ट्रल र साउथ जोन अन्तर्गत समूह ’बी’ बाट बाहिरिसकेको छ । अफगानिस्तानलाई हराउँदै नेपाल सान्त्वना जित निकाल्ने योजनामा रहेको छ ।