काठमाडौं । पाकिस्तानीका चर्चित क्रिकेट स्टार शाहिद अफ्रिदी आज पाकिस्तान फर्कदै छन् । एभरेष्ट प्रिमियर लिग (ईपीएल) को चौंथो संस्करणमा सुरुआती दुई खेलमात्रै खेल्नेगरी अफ्रिदी नेपाल आएका थिए ।
उनले आफ्नो फाउन्डेसनको व्यस्तताका कारण पाकिस्तान फर्कन लागेका बताएका छन् । उनी फर्कन लागेसंगै ईपीएलमा उनले गरेको ब्याटिङ हेर्ने मौका दर्शकहरुले गुमाएका छन् । उनले किङ्स ११ काठमाडौंबाट गत शनिबार पहिलो म्याच खेलेका थिए ।
सन्दीप लामिछानेको कप्तानीमा भएको सो खेलमा काठमाडौले साविक विजेता ललितपुर प्याट्रिओट्समाथि ७ विकेटको शानदार जित समेत निकाल्न सफल भयो ।
तर आज हुने भनिएको विराटनगर वारियर्सविरुद्धको काठमाडौंको दोस्रो खेल मैदान चिसो भएका कारण स्थगित गरियो । ईपीएलको चौंथो संस्करणमा अफ्रिदीको आज अन्तिम खेल रहेको थियो ।
