भदौ १९ काठमाडौं ।
राष्ट्रपति रामचन्द्र पौडेलले पाटन कृष्ण मन्दिरको दर्शन गरेका छन् ।
आज श्रीकृष्ण जन्माष्टमी पर्वको अवसरमा राष्ट्रपति रामचन्द्र पौडेलका प्रथम महिला सबिता पौडेल सहित ललितपुरको पाटनस्थित कृष्ण मन्दिरको दर्शन गरेका हुन् ।
श्रीकृष्ण जन्माष्टमी पर्वका अवसरमा पाटन दरबारस्थित कृष्णमन्दिर पुगेर राष्ट्रपति पौडेलले श्रीकृष्णको पूजाआराधना गरी पुजारी बाट प्रसाद ग्रहण गरेका छन् ।
श्रीकृष्ण जन्माष्टमी पर्वका अवसर पारेर हरेक वर्ष राष्ट्रप्रमुखद्वारा कृष्ण मन्दिरको दर्शन गरी पूजाआजा गर्ने परम्परा रहेको छ ।
राष्ट्रपति रामचन्द्र पौडेललाई कृष्ण मन्दिर परिसरमा सांसद जगदीश खरेल, ललितपुर महानगरपालिकाका प्रमुख चिरीबाबु महर्जन लगायत जनप्रतिनिधि तथा मन्दिरका पुजारीहरूले स्वागत गरेका थिए ।
