चैत २० काठमाडौं ।
आज देखि विश्वभर पारस्परिक कर लगाउने अमेरिकी राष्ट्रपति डोनाल्ड ट्रम्पले घोषण गरेका छन्।
ट्रम्पले आज विश्वभर पारस्परिक करको घोषणा गर्ने जनाइएको हो। ट्रम्पले आज रोज गार्डेनमा ’मेक अमेरिका वेल्थी अगेन’ कार्यक्रममा भाषण दिने ह्वाइट हाउसले जानकारी दिएको छ। कार्यक्रममा पारस्परिक ट्यारिफ सम्बन्धी घोषणा गरिने जनाएको छ।
अमेरिकाले आज बाट लागू गर्ने पारस्परिक शुल्क एक प्रकारको सीमा शुल्क हो जुन कुनै पनि देशले विदेश बाट आउने सामानहरूमा लगाउँछ। यो कर आयातकर्ता कम्पनी माथि लगाइन्छ। यसलाई बढाएर वा घटाएर देशहरूले आपसमा व्यापार नियन्त्रण गर्छन्।
ट्रम्पले केही अघि भनेका थिए, ’अमेरिकामा अप्रिल २ देखि ’पारस्परिक ट्यारिफ’ लागू हुने जनाएका थिए। ह्वाइट हाउसकी प्रेस सचिव क्यारोलिन लेभिटले कर घोषणा भएलगत्तै लागू हुने बताइन्। ट्रम्पले धेरै पटक अप्रिल २ लाई अमेरिकाको मुक्ति दिवसको रूपमा वर्णन गरेको उल्लेख गरेकी छन्।
यस दिन उनीहरूले भारत लगायत अन्य धेरै देशहरूमा पारस्परिक शुल्क लगाउने उनको जनाएको छ। ’ट्रम्पले आज लगाउने करको स्तरको बारेमा पहिले नै निर्णय गरिसकेको छन्। अमेरिकी जनता र कामदारहरूको लागि फाइदा हुनेछ। २४ घण्टा भित्र करको बारेमा सबैले थाहा पाउने उल्लेख गरेको छ।
ट्रम्पले केही अघि भाषणमा अन्य देशहरूले अमेरिकामा भारी भन्सार लगाएका तर अमेरिकाले धेरै कम कर लगाइरहेको बताएका थिए। अन्य देशहरुले अमेरिका माथि धेरै कर लगाउदै आएको र अब अमेरिकाले पनि बराबर कर लगाउने उनले उल्लेख गरेका थिए।
