चैत १८ काठमाडौं ।
आज बिहान् समाजवादी मोर्चाको बैठक माओवादी केन्द्रको केन्द्रीय कार्यालय पेरिसडाँडामा बैठक बसेको छ।
बैठकमा माओवादी केन्द्रका अध्यक्ष प्रचण्ड, एकीकृत समाजवादीका अध्यक्ष माधवकुमार नेपाल, नेकपा अध्यक्ष विप्लव र नेपाल समाजवादी पार्टीका अध्यक्ष महिन्द्रराय यादव लगायत चार दलका अन्य नेताहरु पनि सहभागी भएका छन्।
समसामयिक राजनीति र घटनाक्रमबारे छलफल गर्न बैठक बसेको हो। समाजवादी मोर्चाले तीनकुनेमा राजावादीको हिंसात्मक प्रदर्शनको देशभर भण्डाफोर गर्ने जनाएको छ।
नेपाल विद्ययुत प्राधिकरणको कार्यकारी निर्देशक बाट हटाइएका कुलमान घिसिङ, राजावादीको हिंसात्मक आन्दोलन, संसद बैठक लगायतका विषयमा छलफल भइरहेको छ।
यस अघि प्रतिपक्षमा रहेका माओवादी लगायतका दलहरुले कुलमानको विषयमा प्रधानमन्त्री ओलीको जवाफ माग्दै संसद अवरोध गरेका थिए। आज पनि दुवै सदनको बैठक बस्दैछ।
बैठकपछि नेत्र विक्रम चन्द नेतृत्वको नेपाल कम्युनिष्ट पार्टी नेकपाका प्रवक्ता खड्गबहादुर विश्वकर्मा (प्रकाण्ड) ले तीनकुने घटना योजनावद्ध तरिकाले घटाएको भन्दै यसको देशव्यापीरुपमा भण्डाफोर गर्ने निर्णय भएको जानकारी दिएका छन्।
घाइते तथा मृतकका परिवारलाई क्षतिपूर्तिका लागि सरकारसँग कुरा गर्ने र सो क्षतिपूर्ति घटनामा संलग्न भएकाहरू बाट भराउन सरकारलाई आग्रह गरिने उनले बताएका छन्।
