चैत १६ काठमाडौं ।
म्यानमारमा शक्तिशाली भूकम्पको धक्का गएको छ। हिजो दिउँसो म्यानमारको राजधानी नेपिडो आसपास केन्द्रबिन्दु भएर ७.७ म्याग्नेच्युडको भूकम्प गएको हो।
बिबिसीको प्रारम्भिक रिपोर्टहरु अनुसार शक्तिशाली भूकम्पमा परी १४४ जनाको मृत्यु भएको जनाएको छ। भूकम्पले राजधानीमा सयौं घरहरू ढलेको र त्यसको भग्नावशेषमा सयौं मानिसहरू पुरिएको हुनसक्ने भएकाले मृत्यु हुनेको संख्या धेरै बढ्न सक्ने बताइएको छ।
भूकम्पको धक्कार थाइल्याण्डको बैंकक, चीन र भारतमा समेत महशुस भएको थियो। भूकम्पले म्यानमारको दोस्रो ठूलो सहर मन्डालेमा पनि अग्ला अग्ला भवनहरूमा क्षति पुगेको जनाएको छ।
थाइल्याण्डको बैंककमा रहेको एउटा गगनचुम्बी भवन ढलेको थियो। त्यहाँ काम गर्ने सय जना भन्दा बढी मजदुर बेपत्ता रहेको बिबिसीले जनाएको छ।
भूकम्पका कारण म्यानमारका ६ सहरहरूमा आपतकाल घोषणा गरिएका छन्। त्यहाँ रातभरि पनि उद्दार कार्य भएइरहेको साथै ख्य मुख्य सहरहरूमा विद्युत आपूर्ति पनि अवरूद्ध हुँदा रातको समयमा उद्धारमा समस्या भएको जनाएको थियो।
७.७ म्याग्नेच्युडको भूकम्पपछि ६.२ म्याग्नेच्युडको परकम्प गएको थियो। त्यसले पनि थप क्षति पु¥याएको छ।
