फागुन १४ काठमाडौं ।
महाशिवरात्रिको अवसरमा पशुपतिनाथ मन्दिर यस्तो देखियो छ। महाशिवरात्रिका अवसरमा पशुपतिनाथ मन्दिरमा परिसर भक्तजनहरुको भीडभाड लागेको छ।
आज बिहान् महाशिवरात्रिका अवसरमा मन्दिरका चारै ढोका दुई बजेदेखि नै खुला गरिएको थियो। दुई बजेदेखि नै बढेको भिड अहिले झन् बढ्दै गएको पशुपति क्षेत्र विकास कोषले जनाएको छ।
व्यवस्थित रूपमा भक्तजनले लाममा बसेर मन्दीरको दर्शन गर्न सक्ने व्यवस्था गरिएको कोषले जनाएको छ। नेपाली सेना र अन्य विभिन्न संस्थाहरुले पशुपति क्षेत्रमा निःशुल्क स्वास्थ्य शिविर आयोजना गरेका छन्।
महाशिवरात्रिका अवसरमा पशुपतिनाथ मन्दिरमा आउने साधुसन्तलाई गत सोमबारदेखि नै गुठी संस्थान, कोष लगायत सरकारी एवं गैरसरकारी संघसंस्थाले खाने–बस्ने व्यवस्था गरेका छन्।
आज पशुपतिनाथसँगै उपत्यकाका गोकर्णेश्वर, डोलेश्वर, कुमभेश्वर, नागेश्वर लगायत शिव मन्दिरमा पनि भक्तजनको भीड लागेको छ।
