पुस २६ काठमाडौं।
दुई दिन थारू समुदायले टुँडिखेलमा माघी महोत्सव मनाउने भएको छ। काठमाडौंको टुँडिखेलमा पुस २९ र माघ १ गते माघी थारु समुदायले महोत्सव २०८१ मनाउने भएको हो।
आज काठमाडौंमा पत्रकार सम्मेलन गर्दै मूल आयोजक समितिको संयोजक एवम् थारु कल्याणकारिणी सभाका नवनिर्वाचित अध्यक्ष प्रमिलाल चौधरी जानकारी दिएका छन्।
चौधरीले भने, ‘२०५९ सालदेखि काठमाडौंमा माघी महोत्सव मनाउँदै आएका, थारू समुदायको नयाँ वर्ष भएकाले थारू भाषा, संस्कृति र जनचेतनाको लागि दुई दिन महोत्सव गर्ने निर्णय गरेको बताएका छन्।
पहिलो दिन जिता मर्ना र रक्तदान कार्यक्रम राखेको र दोस्रो दिन माघी महोत्सव आयोजना गर्ने बताएका छन् ’ चौधरीका अनुसार माघी महोत्सवको प्रधानमन्त्री केपी शर्मा ओलीले उद्घाटन गर्ने छन्।
२० भन्दा थारू संघ संस्थाहरुको संयुक्त आयोजनामा हुने माघी महोत्सवमा २०८१ मा थारू खाना, विभिन्न परिकार, प्रदर्शनी एवं बिक्री, थारू सीप हस्तकला, पुस्तक प्रदर्शनी लगायतका करिब १०० भन्दा बढी स्टलहरू राख्ने बताएका छन्।
त्यस्तै महोत्सवमा थारू सांस्कृतिक नृत्य तथा गीत (मघौटा, सखिया, हुर्दगंवा, झुम्रा, छोक्रा, दिन्नचुवा, रागनी, बडोनाच, होरी, झर्रा, लठ्हवा, मुग्रंहवा नाँचसहित दुई दर्जनभन्दा धेरै सुन्दर नृत्य तथा गीतहरुको प्रस्तुती रहने सांस्कृतिक उपसमितिका संयोजक नन्दुराज चौधरीले जानकारी दिएका छन्।
