पुस २२ काठमाडौं ।
सगरमाथा राष्ट्रिय निकुञ्जसहित खुम्बु क्षेत्रमा हवाई उडान अनिश्चितकालका लागि स्थगित भएको छ। वायुसेवा कम्पनीहरूले पुस २१ गतेदेखि अनिश्चिकालका लागि उडान स्थगित गरेको हो।
खुम्बु क्षेत्रका स्थानीय तथा संघसंस्थाले निकुञ्ज क्षेत्रभित्र हेलिकप्टरका कारण वन, वातावरण तथा वन्यजन्तु सुरक्षामा चुनौती देखिएको भन्दै यही पुस १७ बाट हेलिकप्टर उडानमा प्रतिबन्ध लगाएका थिए।
यस क्षेत्रमा वार्षिक करिब ६० हजार पर्यटक आगमन हुने गरेको छ। त्यसमा करिब १५ प्रतिशत पर्यटकले हेलिकप्टरको प्रयोग गर्ने गरेका छन्।
खुम्बु क्षेत्रका स्थानीय युवा तथा संघसंस्थाहरूले निकुञ्ज क्षेत्रभित्र हेलिकप्टर उडान तथा अवतरणका कारण निकुञ्जको वन, वातावरण तथा वन्यजन्तु सुरक्षा बासस्थान संरक्षणमा चूनौति देखिएको भन्दै हेलिकप्ट उडानमा प्रतिबन्ध लगाएका थिए।
निकुञ्ज, खुम्बु पासाङल्हामु गाउँपालिका लगायत अन्य स्थानीय समूह तथा संघसंस्थाहरूको कारण देखाउँदै वायुसेवा कम्पनीहरूले उडान स्थगित गरेको वायुसेवा सञ्चालक संघले जनाएको छ।
