पुस १९ काठमाडौं।
बागमती प्रदेश सरकारले मुख्य नाकाहरुमा सुरक्षा पोस्ट राख्ने तयारी गरेको छ। सरकारले आफ्नो प्रदेशमा प्रवेश गर्ने मुख्य आठ वटा नाकाहरुमा सुरक्षा पोस्ट राख्ने तयारी गरेको जनाएको हो।
पहिलो चरणमा मकवानपुरको रातमाटे, सिन्धुलीको भीमानमा र दोस्रो चरणमा चितवनको मुग्लिन, नारायणगढमा सुरक्षा पोस्ट राख्ने तयारी गरिरहेको छ।
तीन चरण गरेर सुरक्षा पोस्ट राख्ने तयारी थालिएको प्रदेशले जनाएको छ। तेस्रो चरणमा रसुवाको रसुवागढी, सिन्धुलीको नागथान, सिन्धुपाल्चोकको कोदारी र दोलखाको तामाबगरमा सुरक्षा पोस्ट राख्ने तयारी गरेको छ।