पुस १७ काठमाडौं ।
अन्नपूर्ण क्षेत्रमा पर्यटकको संख्या बढ्दो छ।
अन्नपूर्ण चक्रीय पदमार्गमा अन्नपूर्ण आधार शिविर, घान्द्रुक, मर्दी हिमाल, मनाङको तिलिचो ताल, उपल्लो मुस्ताङ, थोरङ्ला भञ्ज्याङ, मुक्तिनाथ क्षेत्र, म्याग्दीको घोडेपानी लगायतका गन्तव्यस्थलमा बर्सेनि लाखौँ आन्तरिक तथा बाह्य पर्यटक पुग्ने गरे पनि यो बर्ष अझ बढेको (एक्याप) जनाएको हो।
प्राकृतिक सौन्दर्य, जैविक विविधता, हिमाली जनजीवन, संस्कृति आदि कारणले अन्नपूर्ण क्षेत्र पर्यटकको रोजाइमा पर्ने गरेको छ।
अन्नपूर्ण क्षेत्रमा सन् २०२४ मा दुई लाख ४४ हजार ४५ जना विदेशी पर्यटक यस क्षेत्रमा भित्रिएका छन्। भ्रमण गर्ने पर्यटक मध्ये दक्षिण एसियाली मुलुकका एक लाख ३२ हजार ९४ र अन्य मुलुकका एक लाख ११ हजार नौ सय ५१ रहेका छन्।
अन्नपूर्ण संरक्षण क्षेत्र आयोजना (एक्याप)का अनुसार उक्त भ्रमणको सङ्ख्या हालसम्मकै उच्च रहेको छ। (एक्याप)का अनुसार ‘अन्नपूर्ण क्षेत्रमा सन् २०२४ मा पर्यटक आगमनमा नयाँ रेकर्ड कायम भएको ‘गत वर्षको तुलनामा उल्लेख्य संख्यामा पर्यटक यस क्षेत्रमा बढेको जनाएका छन्।’
अन्नपूर्ण संरक्षण क्षेत्र आयोजनाले ती गन्तव्यस्थलमा घुमफिर गर्ने विदेशी पर्यटकको मात्र तथ्याङ्क राख्ने गरेको जनाएको छ।
सात हजार छ सय वर्ग किलोमिटरमा फैलिएको अन्नपूर्ण संरक्षण क्षेत्र पदयात्राका लागि आकर्षक गन्तव्य मानिन्छ।
