पुस १४ काठमडौं ।
कञ्चनजङ्घा क्षेत्रमा पर्यटकको संख्या बढ्दो छ।
कञ्चनजङ्घा पदमार्गको सुधार, पर्यटकको लागि आवश्यक सेवा–सुविधा विस्तारले आन्तरिक तथा बाह्य पर्यटकको आगमन बढ्दै गएको हो।
आव २०८०, ८१ मा एक हजार ८५ जना पर्यटक आएको यो तथ्याङ्कलाई हेर्दा क्रमशः पर्यटकको आगमनमा वृद्धि हुँदै गएको परिषद्का संरक्षण अधिकृत प्रमोदकुमार यादवले जनाएका छन्।
यादवका अनुसार हरेक वर्ष तुलनात्मक रूपमा पर्यटकको आगमन बढ्दै गएको जानकारी दिएका हुन्। कञ्चनजङ्घा आरोहणको ७०औँ वार्षिकोत्सवको अवसरमा आगामी वैशाख ५ देखि ७ गतेसम्म कञ्चनजङ्घा हीरक महोत्सव आयोजना गरिने जनाएको छ।
पदयात्रा, फोटो प्रदर्शनी, सांस्कृतिक कार्यक्रम, खुला पुरुष भलिबल प्रतियोगिता समेत सञ्चालन हुने परिषद्ले जानकारी दिएको छ।
