मंसिर १६ काठमाडौं ।
सिमेन्टको मुल्यमा २० प्रतिशतले बृद्धि भएको छ।
सिमेन्ट उत्पादक संघको पहलमा उद्योगीले भाउ बढाएका हुन् । सिमेन्टको भाउ बोरामा १ सय रुपैयाँले बढाएको एक व्यवसायीले जानकारी दिएका छन्।
उनका अनुसार उद्योगीले मिलेमतोमा सिमेन्टको भाउ तय गरेका हुन्। यसरी धेरै उत्पादकले मिलेमतोमा कुनै वस्तुको मूल्य तय गर्ने कार्यलाई ‘कार्टेलिङ’ भनिन्छ।
यस अघि सिमेन्टको भाउ सरदर प्रतिबोरा ५ सय रुपैयाँ रहेकोमा अहिले ६ सय पुगेको छ। खासगरी, क्लिंकर उत्पादक ठूला उद्योगको पहलमा सबै उद्योगले भाउ बढाएको महासंघ पूर्वअध्यक्ष लामिछानेले दाबी गरेका छन्।
अहिले नेपाली उद्योगको कुल सिमेन्ट उत्पादन क्षमता प्रतिवर्ष ५० करोड बोरा रहेको संघले जनाएको छ। तर, उद्योगीहरू ३० देखि ४० प्रतिशत क्षमतामा चलिरहेको उनको भनाइ छ।
