असार १९ काठमाडौं ।
आज राष्ट्रियसभामा सात मन्त्रालयको विनियोजन विधेयक माथि छलफल हुने भएको छ ।
आज बस्ने संघीय संसद्अन्तर्गत राष्ट्रियसभा बैठकमा आर्थिक तथा बजेट सम्बन्धी विधेयक र विनियोजन विधेयक माथि छलफल हुने भएको हो ।
आज अपराह्न १ः१५ बजे हुने बैठकमा आर्थिक तथा बजेटसम्बन्धी विधेयक र विनियोजन विधेयकमाथिको छलफललाई प्राथमिकता दिइएको जनाएको छ ।
संसद् सचिवालयका अनुसार बैठकमा राष्ट्रियसभाका सचिव तुलबहादुर कँडेलले ’आर्थिक विधेयक, २०८३’ र ’राष्ट्र ऋण उठाउने विधेयक, २०८३’ सम्बन्धमा प्रतिनिधिसभा बाट प्राप्त सन्देश सभासमक्ष टेबल गर्ने कार्यसूची रहेको जनाउको छ।
त्यस्तै विनियोजन विधेयक, २०८३ अन्तर्गत उद्योग, वाणिज्य तथा आपूर्ति मन्त्रालय, कृषि, वन तथा वातावरण मन्त्रालय, पूर्वाधार विकास मन्त्रालय, गृह मन्त्रालय, ऊर्जा, जलस्रोत तथा सिँचाइ मन्त्रालय, परराष्ट्र मन्त्रालय, अर्थ मन्त्रालय तथा रक्षा मन्त्रालयको विनियोजन शीर्षक माथि समूहीकृत रूपमा छलफल हुने जनाएको छ ।
राष्ट्रपतिको कार्यालय, उपराष्ट्रपतिको कार्यालय, प्रधानमन्त्री तथा मन्त्रिपरिषद्को कार्यालय र राष्ट्रिय योजना आयोगको सचिवालयको विनियोजन शीर्षक माथि पनि छलफल हुने कार्यसूचीमा उल्लेख रहेको छ ।
