जेठ ६ काठमाडौं।
लेबनानमा इजरायलले आक्रमण गरेको छ।
इजरायलको हवाई आक्रमण बाट दक्षिणी लेबनानमा कम्तीमा १९ जनाको मृत्यु भएको जनाएको छ।
डेइर कानौन शहरमा तीन बालबालिका र तीन महिलासहित १० जना एकैठाउँ मारिएको लेबनानको स्वास्थ्य मन्त्रालयले जनाएको छ।
यस बाहेक नाबाटिएह र टायर जिल्लामा पनि भएका आक्रमण बाट थप ९ जनाको मृत्यु भएको र २९ जना घाइते भएको मन्त्रालयले जनाएको छ।
पछिल्लो घटना अमेरिकाले लेबनान र इजरायलबीच युद्धविराम ४५ दिनका लागि थप गर्न सहमति भएको घोषणा गरेको १ साता पनि नपुग्दै आक्रमण भएको हो।
युद्धविराम कायम रहेको भनिए पनि इजरायल र हिजबुल्लाह बीच विशेषगरी दक्षिणी लेबनान क्षेत्रमा निरन्तर गोली हानाहान भइरहेको छ।
