चैत्र १२ काठमाडौं ।
वीरगञ्ज भन्सार नाकाबाट स्वदेशी उत्पादको निर्यात बढेको छ। चालु आर्थिक वर्षको आठ महिनामा ५३ अर्ब २६ करोड रुपैयाँ मूल्य बराबरको सामान निर्यात भएको छ।
वीरगञ्ज भन्सार कार्यालयको अनुसार चालु आवमा भटमासको तेल निर्यात बढेको जनाएको छ । गत आठ महिनामा २८ अर्ब १९ करोड रुपैयाँ मूल्य बराबरको १३ करोड ४६ लाख १० हजार एक सय ४२ लिटर भटमासको तेल निर्यात भएको हो।
गत आवको सोही अवधिको तुलनामा एक सय ७२ दशमलव ०१ प्रतिशतले निर्यात बढेको भन्सार कार्यालयको प्रमुख दीपक लामिछानेले बताएका छन्।
यसैगरी, ४ अर्ब ८८ करोड रुपैयाँ बराबरको जुस र ३ अर्ब ६८ करोड रुपैयाँ मूल्य पर्ने फलाम तथा फलामका सामग्री निर्यात भएको जनाएको छ।
