चैत २३ काठमाडौं ।
राष्ट्रिय स्वतन्त्र पार्टी (रास्वपा) का सभापति रवि लामिछानेलाई भैरहवा लान विमानस्थल विमानस्थल लगिएको छ।
हिजो राति निवास बाटै पक्राउ परेका रवि लामिछानेलाई प्रहरीले आज जिल्ला प्रहरी परिसर, काठमाडौंको हिरासत बाट निकालेर त्रिभुवन विमानस्थल पु¥याइएको छ।
पक्राउ परेका रविलाई भद्रकालीस्थित जिल्ला प्रहरी परिसर, काठमाडौंको हिरासतमा राखेको थियो। आज बिहान् लामिछानेलाई प्रहरीले विमानमार्फत भैरहवा लैजान लागेको हो।
कुन एयरलाइन्सको विमान बाट लैजाने भन्ने प्रहरीले खुलाएको छैन। संगठित रुपमा सहकारी ठगी गरेको आरोप खेपिरहेका रास्वपा सभापति रवि लामिछानेलाई तुलसीपुर उच्च अदालतको बुटवल इजलासले शुक्रबार थुनामा पठाउन आदेश दिएको थियो।
त्यसपछि राति प्रहरीले बूढानीलकण्ठस्थित निवास बाटै उनलाई नियन्त्रणमा लिएको थियो।
