चैत ११ काठमाडौं ।
विगत पाँच वर्षयता नेपालमा बाघको संख्या बृद्धि भएको छ। नेपालमा बाघको संख्या बढ्दै जाँदा बासस्थान क्षेत्र बढाउनुपर्ने देखिएको हो।
चितवन राष्ट्रिय निकुञ्जले आयोजना गरेको अन्तरक्रिया कार्यक्रममा राष्ट्रिय निकुञ्ज तथा वन्यजन्तु संरक्षण विभागका वरिष्ठ इकोलोजिष्ट हरिभद्र आचार्यले बाघको संख्या बढ्दै गएकाले बासस्थान बढाउन आवश्यक रहेको बताएका हुन्।
निकुञ्ज क्षेत्र, मध्यवर्ती क्षेत्र र अन्य वन क्षेत्र बाघको बासस्थान भए पनि बाघको संख्या बढ्न थालेपछि बासस्थान बढाउनु पर्ने भएको छ।
संरक्षण विभागका अनुसार नेपालमा बाघको संख्या सन् २००९ मा १२१ रहेकामा सन् २०२२ मा बढेर ३५५ पुगेको बाघको सन् २०१३ मा एक सय ९८ र सन् २०१८ मा दुई सय ५३ रहेको थियो। बाघको संख्या बढ्दै गर्दा बासस्थान क्षेत्र ९३ प्रतिशत काम भएको जनाएका छन्।
एक सय वर्ष पहिले विश्वमा एक लाखको हाराहारीमा बाघ रहेकामा अहिले यो संख्या घटेर पाँच हजार पुगेको आचार्यले जानकारी दिएका छन्।
बाघको मुख्य आहारा मृग प्रजाति रहेकाले मृगलाई समेत संरक्षण गर्न आवश्यक रहेको र मृग प्रजाति, बाँदर साथै घरपालुवा जनावार बाघको हाराराको रुपमा रहेको जनाएका छन्।
पछिल्ला वर्षहरूमा बाघको संरक्षणमा ध्यान दिइएकाले यसको संख्या बढ्दै गएको पाइएको छ। हिंस्रक बाघलाई खुला चिडियाघर बनाएर उनीहरूको संरक्षण गर्न सके त्यसलाई आयआर्जनसँग जोड्न सकिने समेत जनाएका छन्।
