मंसिर २६ काठमाडौं ।
लुम्बिनी संग्रहालय संरक्षणका लागि लाई नेपालस्थित अमेरिकी दूतावासले आर्थिक सहयोग गरेको छ।
आज आयोजित एक समारोहका बीच लुम्बिनी विकास कोष र पुरातत्त्व विभागका प्रतिनिधिहरूका साथमा लुम्बिनी संग्रहालय संरक्षण परियोजनाको उद्घाटन गर्दै अमेरिकी दूतावासका सार्वजनिक मामिला प्रमुख माइकल हार्करले सहयोग गर्ने जनाएका हुन्।
नेपालस्थित अमेरिकी दूतावासले राजदूत सांस्कृतिक संरक्षण कोष (एएफसीपी) मार्फत् संग्रहालयमा रहेका प्राचीन कलाकृतिको अमूल्य संग्रहको सुरक्षण, अभिलेखन र संरक्षण गर्न करिब सवा तीन करोड रुपैयाँको अनुदान बुद्ध फाउन्डेसनलाई प्रदान गरेको छ।
उक्त अनुदानले एउटा अत्याधुनिक संरक्षण प्रयोगशालाको स्थापना गर्ने छ।
इसापूर्वको छैटौं शताब्दीदेखि इस्वी संवत्को तेस्रो शताब्दीसम्मका ३०० भन्दा बढी कलाकृतिहरू रहेको संग्रहालयमा उत्खनन गरिएका पक्की माटोका प्रतिमा, ढुङ्गाका मूर्ति, सिक्का र अन्य अवशेषहरू संग्रहित छन्।