असोज १६ काठमाडौं ।
राष्ट्रिय सभा बाट विधि विज्ञान प्रयोगशाला विधेयक पारित गरेको छ ।
राष्ट्रिय सभाको बैठकले ‘राष्ट्रिय विधि विज्ञान प्रयोगशाला स्थापना र सञ्चालन विधेयक, २०८१’ लाई सर्वसम्मतिले पारित गरेको हो ।
प्रतिनिधि सभा बाट विभिन्न संशोधनहरू सहित फिर्ता आएको सो विधेयकलाई विज्ञान, प्रविधि तथा नवप्रवर्तन मन्त्री महावीर पुनले सदनमा प्रश्तुत गरेका थिए ।
आज बसेको बैठकमा विधेयक माथि भएको विस्तृत छलफल पछि मन्त्री पुनले प्रतिनिधि सभा बाट गरिएको संशोधनलाई स्वीकार गरी विधेयक पारित गरियोस् भनी प्रश्ताव प्रश्तुत गरेका थिए ।
लामो समयदेखि प्रक्रियामा रहेको यस विधेयक पारितसँगै नेपालमा विधि विज्ञान प्रयोगशालाको स्थापना र सञ्चालनका लागि आवश्यक कानूनी आधार तयार भएको छ ।
यसले अपराध अनुसन्धानमा वैज्ञानिक प्रमाणको पहुँचलाई थप बलियो बनाउने अपेक्षा समेत गरिएको जनाएका छन् ।
मन्त्री पुनले यस विधेयकको महत्व बारे सदनलाई जानकारी गराउँदै यसको कार्यान्वयनले वैज्ञानिक अनुसन्धानको क्षेत्रमा नयाँ आयाम थप्ने विश्वास व्यक्त गरेका छन् ।
