भदौ २३ काठमाडौं ।
कोरला नाका बाट फलफूल भित्रिन थालेको छ ।
कोरला नाका बाट फलफूल बोकेको १० कन्टेनर भन्सारमा चेक जाँच गरी क्रमशः नेपाल भित्रिएको जनाएको छ ।
गत भदौ १० गते रसुवाको भोटेकोशीमा आएको विनासकारी बाढी पछि रसुवा–केरुङ नाका बन्द हुँदा त्यहाँ बाट पैठारी गरिने फलफूल कोरला नाकातर्फ फर्काउन थालिएको हो ।
केरुङ नाका बाट फिर्ता आएका फलफूलका कन्टेनर कोरला नाकास्थित लिजीमा आइपुगे पछि नेपाली कन्टेनरले नेपाल भित्र्यउन थालिएको छ ।
कोरला नाका बाट पहिलो पटक फलफूल नेपाल भित्रिन थालेको मुस्ताङ भन्सार कार्यालयका प्रमुख विदुर चुडालले जानकारी दिएका छन् ।
आइतबार र सोमबार गरी दुई दिनमा कोरला नाका बाट नेपाल भित्रिएका १० कन्टेनरको पैठारी भन्सार जाँचपास भई नेपालतर्फ आइरहेका बताएका छन् ।
कोरला नाकास्थित लोमान्थाङ–४ न्हेचुङमा रहेको प्लान क्वारेन्टाइन कार्यालयका प्रतिनिधि बन्दना घर्तीमगरका अनुसार चीनबाट कोरला नाका हुँदै २ दिनमा ड्रागन फुड ९ हजार ४५० केजी, आँप १५ हजार ४०० किलोग्राम, स्याउ ८७ हजार किलोग्राम, नासपाती २६ हजार १०० किलोग्राम र एभोकाडो (घीउ फल) ८ हजार किलोग्राम फलफूलको क्वारेन्टाइन कन्साइनमेन्ट चेकजाँच गरिएको बताएका छन् ।
साठीको दशकमा स्थापना भएको नेपाल–चीन उत्तरी कोरलास्थित प्लान क्वारेन्टाइन पहिलो पटक सञ्चालनमा आएको छ।
