कात्तिक २४ काठमाडौं।
मुस्ताङको कोरला नाका गृह र अध्यागमनको टोलीद्धारा अवलोकन गरेको छ।
आज गृह मन्त्रालय र अध्यागमन विभागको टोलीले मुस्ताङ कोरला नाकाको अध्ययन अवलोकन गरेको हो।
नेपाल–चीन सीमामा रहेको कोरला नाकाको विषयमा टोलीले जानकारी लिँदै अध्यागमन कार्यालय र भन्सार कार्यालयको निरीक्षण समेत गरेको जनाएको छ।
कोरला नाकालाई अन्तर्राष्ट्रिय नाकाको रूपमा विकास गर्ने र पर्यटन मार्गको रूपमा विस्तार गर्ने प्रतिबद्धता जनाएको छ।
गृह र अध्यागमन विभागको टोलीले लोघेकर दामोदर कुण्ड गाउँपालिकाका अध्यक्ष लोप्साङ छोम्फेल विष्ट र कोरलास्थित अध्यागमन कार्यालयका प्रमुख प्रवेश बडुवाल बाट नाकाको विषयमा जानकारी लिएको जनाएको छ।
यस्तै गृह र अध्यागमन विभागको टोलीले लोमान्थाङ–२ न्हेचुङस्थित मुस्ताङ भन्सार कार्यालय र सशस्त्र प्रहरी बोर्डर आउट पोस्ट (बीओपी) भवनको निरीक्षण गरेको जनाएको छ।
लोमान्थाङस्थित इलाका प्रशासन कार्यालयलाई अध्यागमन कार्यालयसँगै व्यवस्थापन गर्ने गरी प्रारम्भिक छलफल भएको जनाएको छ।
