चैत २० काठमाडौं ।
म्यानमार भूकम्प परि घाईते भएकाहरुको स्वस्थ्य उपचार गर्नका नेपाली सेनाको टोली म्यानमार प्रस्थान गरेको छ।नेपाल सरकारले म्यानमारको भूकम्प प्रभावित ठाँउमा मेडिकल सहायतासहितको २२ सदस्यीय सेनाको टोली पठाएको हो।
नेपाली सेनाको हेलिकप्टरमार्फत टोली त्यसतर्फ पठाइएको जनाएको हो। टोलीमा भूकम्प प्रभावितका लागि औषधि, उपकरणसहित सर्जन, अर्थोपेडिक, मेडिसिन चिकित्सक, नर्स तथा प्यारामेडिकहरू रहेका छन्।
उक्त टोलीले करिब एक साता म्यानमारमा रहेर भूकम्पमा परेर घाइते भएकाहरूको स्वास्थ्य उपचारमा खटिने नेपाली सेनाले बताएको छ।
म्यानमारमा भूकम्पका कारण अहिलेसम्म दुई हजार ५६ जनाको मृत्यु भइसकेको छ भने तीन हजार ९०० भन्दा बढी घाइते भएको समाचार संस्था एएफपीले जनाएको छ।
