पुस १८ काठमाडौं ।
कृषि तथा पशुपन्छी विकासमन्त्री रामनाथ अधिकारी र इजरायली राजदूत स्मुलिक बास बीच भेटवार्ता भएको छ। भेटका क्रममा नेपालको कृषि क्षेत्रमा इजरायलबाट भइरहेको सहयोगलाई निरन्तर दिन आग्रह गरेका छन्।
सिंहदरबार स्थित मन्त्रालयमा भएको भेटमा मन्त्री अधिकारीले नेपाल र इजरायलबीच सम्झौता भई कार्यान्वयनमा आएको ‘कमाऊ र सिक’ कार्यक्रमले नेपाली युवालाई अवसरको सृजना गरेको भन्दै यसलाई पुनः निरन्तरता दिन आग्रह गरेका छन्।
नेपालका लागि इजरायलका राजदूत स्मुलिक बाससँगको भेटमा मन्त्री अधिकारीले दुई मुलुकबीच कृषि क्षेत्रमा सहकार्य सम्बन्धी सम्झौता नवीकरणका लागि पहल गर्न आग्रह गरेका छन्।
इजरायलले नेपाली विद्यार्थीलाई उपलब्ध गराउँदै आएको छात्रवृत्तिले नेपालको कृषि क्षेत्रमा महत्त्वपूर्ण सहयोग पुगेको बताएका छन्।
