मंसिर ३० काठमाडौं ।
आज नेवार समुदायले योमरी पूर्णिमा र ज्यापु दिवस मनाउँदै छन्।
पर्व एवम् दिवसको अवसरमा काठमाडौंका रैथाने नेवार समुदायले ¥याली निकाली हर्षोल्लासका साथ मनाउने गर्दछन्।
नेवार समुदायले मार्गशीर्ष शुक्ल पूर्णिमाका दिनमा मनाइने योमरी पूर्णिमालाई ‘योमरी पुन्हि’ पनि भनिन्छ। योमरी एक परिकार हो। योमरीलाई नयाँ धानबाट बनेको चामलको पीठो, चाकु र तिल बाट बनाइन्छ।
यो पर्वलाई नेवार समुदायले नवअन्नप्राशनका रूपमा मनाउने संस्कृतिविद् तेजेश्वरबाबु ग्वँग बताउँछन्। योमरीमा दूधबाट बनेको खुवा र चाकु तथा तिलसमेत राखेर डल्लो बनाइन्छ।
नेवार समुदायले धान राख्ने भकारी वा कोठीमा पूजा आराधना गरेर योमरी पूर्णिमा मनाउँछन्। आजैका दिन धानको विधिपूर्वक पूजाआजा एवं दान गरी धान्य पूर्णिमा पर्व पनि मनाइँदै छ।
