केही कुराहरु शब्दले बयान हुन्न
केही चोटहरु बोलीले मात्र बल्झिदैन
खाली पानामा कोर्दैमा राम्रो शब्द नै लेखिएको भन्ने हुदैन
एक दुई चोटी मुस्कान दिदैमा खुसी छ भन्न पनि मिल्दैन ।
होलान् केही कुराहरु लुकेका
होलान् मनको घाउ छोपिएका
होलान् भित्र भित्रै धेरै रोएका
तर पनि बाहिरी हाँसोमा किन रमाउँछौ
भन्छन शब्द नै त हो
जे लेखे नि पाइन्छ
बोली न हो
कहिले काहीँ जे भने नि पाइन्छ
आखिर सानो मनै न त हो
कहिले काँही रुदैमा के फरक पर्छ र ।।।।
आखिर बेपर्वाह मनै न त हो
कहिले काँही दुख्दैमा के नै जान्छ र।।।।
