भदौ ६ काठमाडैं ।
ब्राजिलका लागि नेपाली राजदूत निर्मलराज काफ्लेले ओहोदाको प्रमाणपत्र बुझाएका छन्।
ब्राजिलका लागि नेपाली राजदूत निर्मलराज काफ्लेले पेरुका राष्ट्रपति डिना एर्सिलिया बोलुआर्टे जेग्गारालाई ओहोदाको प्रमाणपत्र बुझाएका हुन्।
पेरुको परराष्ट्र मन्त्रालय र राष्ट्रपति कार्यालयका वरिष्ठ अधिकारीहरूको उपस्थिति रहेको उक्त समारोहपछि राजदूत काफ्लेले पेरुका विभिन्न उच्च अधिकारीहरूसँग भेटघाट गरेका थिए।
पेरुले दक्षिण–दक्षिण सहयोगअन्तर्गत नेपाललाई विपद् जोखिम व्यवस्थापन, खानेपानी, सरसफाइ र दिगो सहर जस्ता क्षेत्रमा प्राविधिक सहयोग उपलब्ध गराउन तयार रहेको जनाएको छ।
आर्थिक साझेदारीलाई प्रवर्द्धन गर्न व्यापारिक प्रतिनिधिमण्डलको आदानप्रदानलाई सहज बनाउने विषयमा पनि दुवै पक्षबिच छलफल भएको जनाएको छ।
