चैत १९ काठमाडौं ।
नेपालमा मुख्य पर्यटन यम सुरु हँदैछ। मुख्य यम सुरु हुँदै गर्दा पर्यटक आगमन प्रवृत्ति घट्दो क्रममा रहेको नेपाल पर्यटन बोर्डले जनाएको छ।
सन् २०२५ सुरुवात बाटै पर्यटक आगमन अघिल्लो वर्षको तुलनामा घटेको जनाएको छ। पर्यटक फेब्रुअरी र मार्चमा आगमन घटेको छ।
मार्च २०२५ मा १ लाख २१ हजार ६ सय ८७ पर्यटक नेपाल भ्रमणमा आएका छन्। २०२४ को तुलनामा ५.१ प्रतिशत कम भएको नेपाल पर्यटन बोर्डले जनाएको छ।
भारत सहित दक्षिण एसियाली बाट मार्चमा दक्षिण एसियाली देशबाट अघिल्लो वर्ष ४० हजार ७ सय २७ र यस वर्ष ३५ हजार २ सय ८७ पर्यटक आएका छन् । जुन १३.४ प्रतिशत कम हो।
मध्यपूर्व बाट आउने पर्यटक संख्यामा भने ७९ प्रतिशतको बढोत्तरी देखिएको छ। अमेरिकी पर्यटक आगमनमा सामान्य सुधार देखिएको छ। पर्यटन बोर्डका अनुसार गत वर्ष ९७ हजार ४ सय २६ पर्यटक आएकोमा यस वर्ष ९६ हजार ८ सय ८० पुगेको जनाएको छ।
जनवरीमा भने अघिल्लो वर्ष ७९ हजार १ सय पर्यटक आएकोमा यस वर्ष ७९ हजार ९ सय ९१ जना आएका छन्। मार्च २०२५ मा सबैभन्दा धेरै भारतीय पर्यटक आउँदा दोस्रो नम्बरमा चिनियाँ छन्।
यस महिना ११ हजार ४ सय ४३ चिनियाँ आएका छन्। अमेरिकी पर्यटक तेस्रो स्थानमा छन्। यस महिनामा ११ हजार ९२ जना अमेरिकी आएका छन्।
चौथोमा श्रीलंकन देखिएका छन्। श्रीलंकाबाट ८ हजार ८ सय ८६ पर्यटक नेपाल आएका छन्। पाँचौं स्थानमा बेलायत छ। त्यहाँबाट ५ हजार ९ सय ९५ जना आएका छन्।
पछिल्लो समय भारतीय पर्यटक आगमन निरन्तर घट्दो क्रममा देखिएको छ। मार्च २०२५ मा २१ हजार ४ सय १२ भारतीय पर्यटक नेपाल आएकोमा मार्च २०२४ मा ३० हजार ६ सय ९८ आएका थिए।
सन् २०२५ को पहिलो तीन महिनामा तीन महिनामा २ लाख ९८ हजार ५ सय ५८ पर्यटक नेपाल आएको पर्यटन बोर्डले जनाएको छ।
