चैत २० काठमाडौं ।
पुनः पेट्रोलियम पदार्थको मूल्य बढेको छ।
नेपाल आयल निगमले पेट्रोलियम पदार्थको मूल्य वृद्धि गरे सँगै डिजेल÷मट्टितेल र पेट्रोलको मूल्यमा प्रतिलिटर १५ रुपैयाँले पुगेको छ।
यस अघि निगमले यही चैत ११ गते पेट्रोलियम पदार्थको मूल्य समायोजन गरेको थियो। पछिल्लो पटक मूल्य वृद्धि गरेको एक सातामै निगमले पुनः पेट्रोलियम पदार्थको मूल्य बढाएको हो।
निगमले पेट्रोलको मूल्य पहिलो वर्गमा प्रतिलिटर १९९ रुपैयाँ ५० पैसा, दोस्रो वर्गमा २०१ रुपैयाँ र तेस्रो वर्गमा २०२ रुपैयाँ पुर्योएको छ।
डिजेल÷मट्टितेलको मूल्य पहिलो वर्गमा प्रतिलिटर १७९ रुपैयाँ ५० पैसा, दोस्रो वर्गमा १८१ रुपैयाँ र तेस्रो वर्गमा १८२ रुपैयाँ तोकेको छ। मूल्य समायोजन सँगै काठमाडौँमा पेट्रोलको मूल्य प्रतिलिटर २०२ रुपैयाँ पर्ने भएको छ।
निगमले पहिलो वर्ग अन्तर्गत चारआली, विराटनगर, जनकपुर, अमलेखगन्ज, भलवारी, नेपालगन्ज, धनगढी र वीरगन्ज, दोस्रो वर्गअन्तर्गत सुर्खेत र दाङ तथा तेस्रो वर्गअन्तर्गत काठमाडौँ, पोखरा र दिपायल डिपोलाई तोकेको छ।
अन्तर्राष्ट्रिय बजारमा पेट्रोलियम पदार्थको मूल्य बढिरहेकाले स्थानीय बजारमा पनि मूल्य बढाउनुपरेको निगमले स्पष्ट पारेको छ।
