मंसिर १४ काठमाडौं।
कृषि तथा पशुपन्छी विकास मन्त्रालयले देशभर कृषि सर्वेक्षण गरिँने भएको छ।
मन्त्रालयको अनुसार सरकारले कृषि क्षेत्रको विकासका लागि देशभर कृषि सर्वेक्षण सुरु गरेको छ।
मन्त्रालयले सबै स्थानीय तह, प्रदेशको कृषि मन्त्रालय लगायत सरोकार भएका निकायसँगको समन्वयमा तथ्याङ्क सङ्कलन सुरु गरेको जनाएको हो।
मन्त्रालयका तथ्याङ्क शाखा प्रमुख रामकृष्ण रेग्मीको अनुसार दोहोरो गणना हुन सक्ने भएकाले एकद्वार प्रणाली बाट स्थानीय तहसँग समन्वय र सहकार्य गरेर कृषि सर्वेक्षण गरिेने जानकारी दिएका छन्।
रेग्मीको अनुसार कृषि उत्पादन, पशुपालन, लागत, बजारीकरण, आम्दानी, सिँचाइ, पूर्वाधारको अवस्था लगायत विस्तृत विषयवस्तुलाई तथ्याङ्क सङ्कलन गरिने जानकारी दिएका छन्।
गणकले किसानसँग प्रत्यक्ष भेटेर कृषि सर्वेक्षण गरिरहेका छन्। भने नमूना विधिका माध्यमबाट सङ्कलन गरिने तथ्याङ्कमा पहिलो चरणमा ६ लाख किसान छनोट गरिने जनाएका छन्।
राष्ट्रिय जनगणना र कृषि गणना पछिको महत्त्वपूर्ण राष्ट्रिय स्तरको कार्यक्रमका रूपमा कृषि सर्वेक्षणलाई लिइएको छ।
देशभर तथ्याङ्क सङ्कलन भएपछि त्यसलाई थप अध्ययन गरी अन्तिम परिणाम आगामी पुससम्म सार्वजनिक गरिने कृषि तथा पशुपन्छी विकास मन्त्रालयले जनाएको छ।
