मंसिर ३ काठमाडौं।
नेपाल सरकार र अमेरिकी सरकारको एमसीसीले थप अनुदान सुनिश्चित गरेको छ।
अमेरिकी सरकारको ‘मिलेनियम च्यालेन्ज कर्पोरेसन’ (एमसीसीले) ५ करोड अमेरिकी डलर अनुदान थप गर्ने घोषणा गरेको हो।
यो थप अनुदानसँगै कुल रकम ७४ करोड ७० लाख अमेरिकी डलर पुगेको छ, जसमा अमेरिकाको ५५ करोड र नेपालको १९ करोड ७० लाख डलर हुने जनाएको छ।
अमेरिकी दूतावासले थप अनुदानले ऊर्जा प्रणाली सुदृढीकरण र क्षेत्रीय ऊर्जा व्यापार अभिवृद्धि सम्भव बनाउने जस्ता मुख्य उद्देश्य पूरा गर्ने जनाएको छ।
सम्झौताले अमेरिकी प्रविधि र कम्पनी नेपाली बजारमा प्रवेश गर्ने अवसर विस्तार गर्ने समेत विज्ञप्तिमा उल्लेख छ।
यो आर्थिक सहयोगले अमेरिका र नेपालबीच रहेको चीरस्थायी साझेदारी प्रतिविम्बित गर्नेसमेत दूतावासले उल्लेख गरेको छ।
