असोज २८ काठमाडौं ।
गृहमन्त्री ओमप्रकाश अर्याल र नेपालका लागि चिनियाँ राजदूत बीच भेट भएको छ।
आज गृह मन्त्रालयमा गृहमन्त्री अर्याल र नेपालका लागि चिनियाँ राजदूत चेनबीच शिष्टाचार भेटवार्ता भएको हो।
भेटमा गृहमन्त्री अर्यालले ‘एक चीन नीति’ प्रति नेपालको दृढ र अविचलित प्रतिबद्धता व्यक्त गरेको मन्त्रीको सचिवालयले जनाकारी दिएको छ।
मन्त्री अर्यालले पञ्चशीलका पाँच सिद्धान्तहरू ७० वर्ष लामो कूटनीतिक सम्बन्धमा आधारित आपसी मित्रता र विश्वासको सम्बन्धको प्रशंसा गर्दै व्यापार, लगानी, पूर्वाधार, ऊर्जा, कृषि, प्रविधि स्थानान्तरण र पर्यटन लगायतका क्षेत्रमा सहकार्य विस्तार गर्न प्रतिबद्धता जनाएका छन्।
बैठकमा बेल्ट एन्ड रोड इनिसिएटिभ बीआरआई अन्तर्गतका प्राथमिक परियोजनाहरूलाई अघि बढाउने विषयमा पनि छलफल भएको जनाएको छ।
