काठमाडौंको हनुमानढोकास्थित दशैंघरमा राखियो जमरा हेर्नुहोस् (तस्बिरहरू)

असोज ६ काठमाडौं ।
आज हनुमानढोकास्थित दशैंघरमा जमरा घटस्थापना गरिएको छ।

काठमाडौंको हनुमानढोका दशैं घरमा बिहान ९ बजेर १३ मिनेटको साइतमा जमरा राखिएको हो।

नजिकको नदी वा चोखो स्थलबाट बालुवा वा माटो ल्याई गाईको गोबरले लिपपोत गरिएको पूजा कोठा अथवा दशैं घरमा विधिपूर्वक राखेर त्यसमाथि जौं छरेर जमरा राखिएको छ।

घटस्थापनाको अवसरमा नेपाली सेनाको एक टोलीले मंगल धुन बजाउनुका साथै हर्ष बढाइँ गरेको थियो। आज छरिएको जौंको जमरा प्रसादको रुपमा ग्रहण गरिन्छ।

विधिपूर्वक घट अर्थात् घडा स्थापना गरी त्यही घडामाथि शक्तिस्वरुपा दुर्गाको पूजा गरिने भएकाले आजको दिनलाई घटस्थापना भन्ने गरिन्छ।

सूर्योदयकालमा प्रतिपदा भएका दिनमा घटस्थापना गर्नुपर्छ भन्ने शास्त्रीय मान्यता अनुसार नै पञ्चाङ्ग निर्णायक विकास समितिले आजको दिनलाई घटस्थापना भनी निर्णय गरेको हो।

यो समाचार पढेर तपाइले कस्तो महसुस गर्नुभयो ?

सम्बन्धित खबर

Leave a Reply

Your email address will not be published. Required fields are marked *