साउन १ काठमाडौं ।
वीरगन्ज भन्सार कार्यालय बाट २ खर्ब भन्दा बढी राजस्व संकलन भएको छ।
देशको सबै भन्दा ठूलो वीरगन्ज र सिर्सिया सुक्खा बन्दरगाह भन्सार कार्यालय बाट २ खर्ब २५ अर्ब ७५ करोड रुपैयाँ भन्दा बढी राजस्व संकलन गरेको जनाएको छ।
वीरगन्ज भन्सार कार्यालयको तथ्यांकअनुसार वीरगन्ज भन्सार कार्यालयले लक्ष्यको ८० दशमलव ३५ प्रतिशत र सुक्खा बन्दरगाह भन्सार कार्यालयले लक्ष्यको ८२ दशमलव ९७ प्रतिशत मात्र राजस्व संकलन भएको र राजस्व असुलीले लक्ष्य भेट्टाउन भने नसकेको जनाएको छ।
वीरगन्ज भन्सार प्रमुख दीपक लामिछानेले अपेक्षाकृत रुपमा आयात निर्यात व्यापार नहुनु नै लक्ष्यअनुरुप राजश्व संकलन नहुनुको प्रमुख कारण रहेको बताएका छन्।
