चैत २४ काठमाडौं ।
आज रामनवमी देशभर मनाइँदैछ। चैत्र शुक्ल नवमीका दिन मनाइने रामनवमी पर्व श्रद्धा र भक्तिपूर्वक मनाइँदै छ।
चैत्र अष्टमीका दिन नेपालको जनकपुर र भारतको अयोध्यामा रामलीला प्रदर्शन गरिन्छ। रामनवमीका दिन देवी पूजा गरी रामचन्द्रको पूजा, पाठ एवं आराधना गरेमा ‘श्री’ प्राप्त हुने शास्त्रीय मान्यता छ।
परापूर्वकालमा वासन्तीय नवरात्रलाई नै मूल दसैँ मानिने गरेकामा धेरै गर्मीका कारण असोजमा मनाउन थालिएको भनाइ छ। चैत र असोजको नवरात्रलाई जाग्रत दसैँका रूपमा महत्वका साथ मनाइन्छ भने पुस र असारको नवरात्रलाई सुप्त दसैं भनिन्छ।
आज जनकपुरस्थित रामजानकीको मन्दिरमा मेला भर्न नेपाल तथा भारतका नरनारीको घुइँचो लाग्छ। रामनवमी मनाउन सरकारले देशभरि सार्वजनिक बिदा दिएको छ।